«Бетис» раҳбарияти ярим ҳимоячи Иско Аларкон билан шартномани узайтиришни режалаштирмоқда.

Relevo хабарига кўра, янги шартнома имзоланишига жорий мавсумдаги тўққиз марта қўлга киритилган «Man of the match» соврини, шунингдек, кийиниш хонасидаги намунали хатти-ҳаракатлар сабаб бўлган. Томонлар музокараларнинг илғор босқичида экани хабар қилинмоқда.

«Умид қиламанки, у фаолиятининг қолган қисмида «Бетис»да қолади, чунки у биз учун муҳим ўйинчи, у жуда муҳим ва келажакда ҳам муҳим бўлади», - деди клуб президенти Анхель Аро.

Иско шу йилнинг июль ойида «Бетис»га эркин агент сифатида келиб қўшилганди. 31 ёшли футболчи барча мусобақаларда 17 та ўйинда майдонга тушиб, 3 та гол урди ва 3 та голли узатмани амалга оширди.