"Manchester Siti" hujumchisi Erling Xoland yoshligida Krishtianu Ronalduning o‘yinidan ilhomlangan.

"Men doim Ronalduni, uning jarima maydonchasidagi harakatlarini kuzatganimni eslayman: u raqib jarima maydonchasiga kirishdan oldin o‘zi xohlagan ikki-uchta harakat qilardi.

Bu himoyachilar bilan duelga o‘xshaydi. Vaqt tanlash muhim. Va pas yaxshi bo‘lishi kerak. Agar pas yaxshi bo‘lamasa boshingiz bilan gol ura olmaysiz.

Ronaldudan boshqa kimdir meni ilhomlantirganmi? U - asosiysi. U harakat qildi, o‘yin uslubini rivojlantirdi. Esingizdami, u "Manchester Yunayted"da, keyin "Real"dagi ilk yillarida qanday o‘ynagan? "Real Madrid"da u hujumchiga aylandi.

Uning buni qilgani aql bovar qilmaydi. Shuningdek, uning gol urish usuli. Hammasi jarima maydonchasidagi nozik harakatlar va himoyachilarni aldash qobiliyatida", dedi Xoland TV2.no nashriga bergan intervyusida.