"Sampdoriya" bosh murabbiyi Andrea Pirlo bo‘lajak "Yuventus" - "Inter" uchrashuvi haqida gapirdi.
Uchrashuv 26 noyabr kuni bo‘lib o‘tadi. Ayni paytda “neradzurrilar” 31 ochko bilan turnir jadvalida peshqadamlik qilmoqda, “Yuventus” esa 2 ochko ortda qolgan holda ikkinchi o‘rinda bormoqda.
"Afsuski, hozir men bunga unchalik qiziqmayapman, chunki bor e’tiborimni B Seriya o‘yinlariga qaratganman. Lekin, albatta, o‘yinni tomosha qilaman, chunki bu tarixiy ahamiyatga ega voqea. Umid qilamanki, eng kuchlisi g‘alaba qozonadi. Bu uchrashuv hal qiluvchi bo‘lmaydi, chunki oldinda ko‘p turlar bor, lekin g‘olib ma’lum ustunlikka ega bo‘ladi", - deya Pirlodan iqtibos keltiradi Tuttosport.
