"Сампдория" бош мураббийи Андреа Пирло бўлажак "Ювентус" - "Интер" учрашуви ҳақида гапирди.

Учрашув 26 ноябрь куни бўлиб ўтади. Айни пайтда “нерадзуррилар” 31 очко билан турнир жадвалида пешқадамлик қилмоқда, “Ювентус” эса 2 очко ортда қолган ҳолда иккинчи ўринда бормоқда.

"Афсуски, ҳозир мен бунга унчалик қизиқмаяпман, чунки бор эътиборимни B Серия ўйинларига қаратганман. Лекин, албатта, ўйинни томоша қиламан, чунки бу тарихий аҳамиятга эга воқеа. Умид қиламанки, энг кучлиси ғалаба қозонади. Бу учрашув ҳал қилувчи бўлмайди, чунки олдинда кўп турлар бор, лекин ғолиб маълум устунликка эга бўлади", - дея Пирлодан иқтибос келтиради Tuttosport.