Portugaliya terma jamoasi hujumchisi Krishtianu Ronaldu 2024 yilgi Yevropa chempionati saralash bosqichidagi navbatdagi g‘alabasi haqida fikr bildirdi.
Pireneyliklar safarda Lixtenshteynni 2:0 hisobida mag‘lub etishdi. Gollardan biri 38 yoshli to‘purar hisobiga yozildi.
«Ketma-ket to‘qqizta g‘alaba! Biz diqqatimizni susaytirmaymiz», — deb yozdi forvard ijtimoiy tarmoqlarda.
Eslatib o‘tamiz, 2023 yil boshidan buyon Portugaliya terma jamoasi to‘qqizta g‘alabaga erishgan. Saralashda Krishtianu o‘nta gol urdi.