"Bayer"ning hujumkor yarim himoyachisi Florian Virs oktyabr oyida Bundesliganing eng yaxshi futbolchisi deb topildi. Bu haqda Leverkuzen klubi rasmiy sayti sahifalarida xabar berilgan.
O‘tgan oyda Virs Germaniya chempionatida uchta o‘yin o‘tkazdi. Ularda yarim himoyachi bitta gol urdi va sheriklariga ikkita samarali uzatma berdi.
“Bayer” ayni damda Bundesliga peshqadami hisoblanadi. Xabi Alonso shogirdlari ikkinchi o‘rindagi “Bavariya”dan ikki ochko oldinda.
"Bayer" Germaniya chempionatining navbatdagi o‘yinini 25 noyabr kuni - "Verder"ga qarshi raqib maydonida o‘tkazadi.
