"Байер"нинг ҳужумкор ярим ҳимоячиси Флориан Вирц октябрь ойида Бундеслиганинг энг яхши футболчиси деб топилди. Бу ҳақда Леверкузен клуби расмий сайти саҳифаларида хабар берилган.
Ўтган ойда Вирц Германия чемпионатида учта ўйин ўтказди. Уларда ярим ҳимоячи битта гол урди ва шерикларига иккита самарали узатма берди.
“Байер” айни дамда Бундеслига пешқадами ҳисобланади. Хаби Алонсо шогирдлари иккинчи ўриндаги “Бавария”дан икки очко олдинда.
"Байер" Германия чемпионатининг навбатдаги ўйинини 25 ноябрь куни - "Вердер"га қарши рақиб майдонида ўтказади.
