Portugaliyalik himoyachi Joau Kanselu ayni damda "Barselona"da ijara asosida o‘ynamoqda. Futbolchining shartnomasi “Manchester Siti”ga tegishli.

Football Espana xabariga ko‘ra, ingliz grandi o‘z futbolchisi bilan 50 million yevro evaziga xayrlashishga tayyor, ammo bu mablag‘ "Barselona"ga to‘g‘ri kelmaydi. Manbaga ko‘ra, kataloniyaliklar 29 yoshli Kanseluni kelasi mavsum uchun ijara muddatini uzaytirmoqchi. Ma’lum qilinishicha, shartnomada ijara muddati tugaganidan keyin futbolchini majburiy sotib olish bandi bo‘lsa, "Manchester Siti" shunday qadam tashlashi mumkin.

Joriy mavsumda Kanselu barcha turnirlarni hisobga olgan holda 14 ta uchrashuvda maydonga tushib, ikki bor gol urdi va bitta golli uzatmani amalga oshirdi.