Germaniya terma jamoasi yarim himoyachisi Ilkay Gyundogan Sporx nashriga bergan intervyusida Turkiyaga qarshi bo‘lib o‘tadigan sinov o‘yini haqida gapirdi.
"Germaniya terma jamoasi uchun ma’lum bir standart bor, undan ma’lum umidlar bor. Afsuski, keyingi yillarda biz bu umidlarni oqlay olmadik. Bunga o‘zimiz aybdormiz.
Umid qilamanki, kelasi yilgi Yevropa chempionatida buni o‘zgartira olamiz. Umid qilamanki, biz yarim final yoki finalga chiqa olamiz. Bu bizning maqsadimiz.
Mening orzum finalda Germaniya – Turkiya to‘qnashuvi. Agar bu sodir bo‘lsa, bu meni xursand qiladi" - dedi "Barselona" yarim himoyachisi.
