Германия терма жамоаси ярим ҳимоячиси Илкай Гюндоган Sporx нашрига берган интервьюсида Туркияга қарши бўлиб ўтадиган синов ўйини ҳақида гапирди.
"Германия терма жамоаси учун маълум бир стандарт бор, ундан маълум умидлар бор. Афсуски, кейинги йилларда биз бу умидларни оқлай олмадик. Бунга ўзимиз айбдормиз.
Умид қиламанки, келаси йилги Европа чемпионатида буни ўзгартира оламиз. Умид қиламанки, биз ярим финал ёки финалга чиқа оламиз. Бу бизнинг мақсадимиз.
Менинг орзум финалда Германия – Туркия тўқнашуви. Агар бу содир бўлса, бу мени хурсанд қилади" - деди "Барселона" ярим ҳимоячиси.
