"Barselona" markaziy yarim himoyachisi Ilkay Gyundogan Kataloniya top-klubining joriy mavsumdagi maqsadlari haqida gapirdi.
“Maqsadimiz – Ispaniya chempionati. "Barselona" kabi klubning La Ligada boshqa maqsadi bo‘lishi mumkin emas. Keyin esa mamlakat kubogi, Superkubogi va Chempionlar ligasi bor. Chempionlar ligasi joriy mavsum uchun muhim, chunki jamoa u yerda anchadan beri yaxshi o‘yin ko‘rsata olmadi. Biz ushbu turnirda muvaffaqiyat qozonishni istaymiz", - deya nemis futbolchisining so‘zlaridan iqtibos keltiradi Marca.
Gyundogan yozgi transfer oynasida "Manchester Siti"dan kataloniyaliklar safiga ko‘chib o‘tdi. Yarim himoyachi klub bilan ikki yillik mehnat shartnomasini imzoladi.
