Yevropa chempionatida Ruminiya va Shveysariya terma jamoalari ham ishtirok etadi.
Birinchisi bugun Isroilni mag‘lub etgan (2:1), ikkinchisi Kosovo bilan durang o‘ynagan (1:1).
9 uchrashuvda Ruminiya 19 ochko jamg‘argan holda I guruhda peshqadamlik qilayotgan bo‘lsa, Shveysariya 17 ochko bilan ikkinchi o‘rinda bormoqda. Uchinchi o‘rinda Isroil 12, Kosovo 11, Belarus 9, Andorra 2 ochkoga ega.
Ruminiya 21 noyabr kuni Shveysariyani qabul qiladi - bu o‘yin saralash bosqichi natijalariga ko‘ra kim birinchi o‘rinni egallashini aniqlab beradi.
Eslatib o‘tamiz, Isroil Millatlar Ligasidagi muvaffaqiyatli o‘yini evaziga hali ham pley-off bosqichidan o‘tib Yevropa chempionatiga chiqishi mumkin.
