Европа чемпионатида Руминия ва Швейцария терма жамоалари ҳам иштирок этади.

Биринчиси бугун Исроилни мағлуб этган (2:1), иккинчиси Косово билан дуранг ўйнаган (1:1).

9 учрашувда Руминия 19 очко жамғарган ҳолда I гуруҳда пешқадамлик қилаётган бўлса, Швейцария 17 очко билан иккинчи ўринда бормоқда. Учинчи ўринда Исроил 12, Косово 11, Беларус 9, Андорра 2 очкога эга.

Руминия 21 ноябрь куни Швейцарияни қабул қилади - бу ўйин саралаш босқичи натижаларига кўра ким биринчи ўринни эгаллашини аниқлаб беради.

Эслатиб ўтамиз, Исроил Миллатлар Лигасидаги муваффақиятли ўйини эвазига ҳали ҳам плей-офф босқичидан ўтиб Европа чемпионатига чиқиши мумкин.