Germaniya terma jamoasi o‘z maydonida Turkiyaga (2:3) o‘rtoqlik uchrashuvida mag‘lub bo‘ldi.
Bu nemislar uchun Yulian Nagelsmann bosh murabbiyligidagi ilk mag‘lubiyatdir. Bungacha AQSH ustidan g‘alaba (3:1) va Meksika bilan durang (2:2) qayd etilgandi.
Uchrashuvning 5-daqiqasida Kay Xaverts hisobni ochdi. Birinchi bo‘lim oxirida Ferdi Kadiog‘lu va Kenan Yildiz gol urishdi. Niklas Fyullkrug 49-daqiqada hisobni tenglashtirdi, Yusuf Sari 71-da penaltidan g‘alaba to‘pini kiritdi.
Germaniya – Turkiya 2:3 (1:2, 1:1)
Gollar: 1:0 – 5 Xaverts, 1:1 – 38 Kadioglu, 1:2 – 45 Yildiz, 2:2 – 49 Fyullkrug, 2:3 – 71, penalti Sari.
Germaniya – Trapp, Xenrixs, Ryudiger, Ta, Xaverts, Gyundogan, Kimmix (Goretska, 72), Virts (Gnabri, 73), Brandt (Duksh, 82), Sane, Fyullkrug.
Turkiya – Bayindir, Chelik, Bardakdji, Kabak, Ayxan, Kadioglu (Elmali, 63), Akbaba (Omyur, 34), Yuksek (Ozdjan, 46), Kaxvedji (Sari, 64), Yazidji (Yilmaz, 64), Yildiz (Aktyurkoglu, 73).
Ogohlantirishlar: Kabak (27), Kaxvedji (34), Omyur (57), Bardakdji (90), Yilmaz (90).
