Huquqlari “Udineze”ga tegishli bo‘lgan 21 yoshli yarim himoyachi Lazar Samardjich faoliyatini Italiyaning boshqa klubida davom ettirishi mumkin. Bu haqda jurnalist Ekrem Konur xabar berdi.

Insayder xabariga ko‘ra, futbolchiga "Yuventus" va "Milan" qiziqish bildirmoqda. Kelishuv qishki transfer oynasida yakunlanishi mumkin.

Joriy mavsumda Lazar “Udineze” safida 12 ta o‘yinda qatnashib, 2 ta gol va bitta golli uzatmani amalga oshirdi. Serbiyalik futbolchining shartnomasi 2026 yilning yoziga qadar mo‘ljallangan, transfer narxi esa 20 million yevroni tashkil qiladi.