"Manchester Siti" klubi markaziy hujumchisi Erling Xoland Angliya chempionati doirasida "Liverpul"ga qarshi o‘yinda jamoasiga yordam beradi. Bu haqda insayder Fabrisio Romano ijtimoiy tarmoqlar orqali xabar berdi.
Manba bergan xabarga ko‘ra, norvegiyalik hujumchi terma jamoa safida olgan jarohatidan forig‘ bo‘lishga ulguradi.
“Manchester Siti” – “Liverpul” uchrashuvi 25 noyabr kuni Manchester shahrida bo‘lib o‘tadi. Ushbu o‘yin arafasida mezbonlar liga turnir jadvalida peshqadam, mehmonlar esa ikkinchi o‘rinda bormoqda.
