Toshkentda qilichbozlikning sablya yo‘nalishi bo‘yicha yoshlar o‘rtasidagi Jahon kubogining navbatdagi bosqichi yakunlandi. Ta’kidlash joiz, bu galgi bellashuvlar ham yurtdoshlarimiz uchun yorqin g‘alabalarga boy bo‘ldi.

Bugun tashkil etilgan jamoaviy dasturda ham qizlarimiz yuksak mahoratlarini namoyish etib, barcha raqiblarini mag‘lubiyatga uchratishdi va oltin medallarni qo‘lga kiritishdi. Hamyurtlarimiz yarim finalda Janubiy Koreyani 45:26, final bahsida esa Qozog‘istonni 45:37 hisobida dog‘da qoldirishdi.

Jamoamiz safida Fernanda Errera, Gulistan Perdibayeva, Nargiza Jaksibayeva va Samira Shokirova ishtirok etishdi. Eslatib o‘tamiz, yakkalik dasturida hamyurtimiz Fernanda Errera g‘alaba qozongan edi.