"PSJ" hujumchisi Kilian Mbappe hujumchi Lionel Messining o‘yini qanday o‘zgargani haqida gapirib berdi.
“Bilasizmi, futbol o‘z vaqtini, tezligini belgilaydi. Agar o‘zgarmasang, futbol boshqa narsaga o‘tadi va sen unutilib ketasan. Hatto eng buyuklari ham nimanidir o‘zgartirishi kerak edi. Men Messi bilan o‘ynadim va u, masalan, o‘z o‘yinini o‘zgartirdi. "PSJ"da u "Barselona"dagi kabi futbolchi emas edi va bu unga jahon chempionatida, jamoaviy va individual chempionlik unvonlarida g‘alaba qozonish imkonini berdi", - deya Mbappening so‘zlarini keltiradi 90min.
