Ispaniya terma jamoasi hujumchisi Ferran Torres Yevro-2024 saralashi doirasidagi Gruziyaga qarshi o‘yin (3:1) yakunlarini sarhisob qildi.
“Bu muhim g‘alaba edi, chunki biz saralash bosqichini yaxshi yakunlashni xohladik. Ammo Gavi jarohati tufayli bu uncha tatimadi. Hozir hech birimiz jarohat qanchalik jiddiy ekanini bilmaymiz, lekin uning qanday jangchi ekanligini bilgan holda aytishim kerakki, bu juda yomon ko‘rinardi", - deya Torres so‘zlarini keltirmoqda UEFA rasmiy sayti.













