"PSJ" bir vaqtning o‘zida ikkita braziliyalik vunderkindni sotib olishni rejalashtirgan edi, ammo bu muvaffaqiyatsizlikka uchradi.

Parijliklar o‘tgan yil oxirida Endrikni "Real"dan tortib olishni niyat qilgan edi. Liga 1 giganti shartnomaga yana bir o‘sib borayotgan yulduzni - 16 yoshli Estevan Villianni ham qo‘shishni xohlardi.

Taklifning umumiy qiymati deyarli 100 million yevroni tashkil etdi, ammo "Palmeyras" rad etdi, deya xabar beradi insayder Fabrisio Romano. Tez orada Endrik "Real" bilan shartnoma imzoladi va u 2024 yilning yozida madridliklar safiga borib qo‘shiladi. Hali hech kim bilan shartnoma imzolamagan Estevanga kelsak, u kelajakda "Barselona"da o‘ynashni xohlashini ochiq aytdi.