"ПСЖ" бир вақтнинг ўзида иккита бразилиялик вундеркиндни сотиб олишни режалаштирган эди, аммо бу муваффақиятсизликка учради.

Парижликлар ўтган йил охирида Эндрикни "Реал"дан тортиб олишни ният қилган эди. Лига 1 гиганти шартномага яна бир ўсиб бораётган юлдузни - 16 ёшли Эстеван Виллианни ҳам қўшишни хоҳларди.

Таклифнинг умумий қиймати деярли 100 миллион еврони ташкил этди, аммо "Палмейрас" рад этди, дея хабар беради инсайдер Фабрицио Романо. Тез орада Эндрик "Реал" билан шартнома имзолади ва у 2024 йилнинг ёзида мадридликлар сафига бориб қўшилади. Ҳали ҳеч ким билан шартнома имзоламаган Эстеванга келсак, у келажакда "Барселона"да ўйнашни хоҳлашини очиқ айтди.