Transfer oynasi yaqinlashib qoldi va Yevropa klublari allaqachon tarkibni kuchaytirish yo‘llari ustida astoydil ishlamoqda. Masalan, “Aston Villa” Bilbaoning “Atletik” klubi hujumchisi Inyaki Uilyamsga ko‘z tikdi. Football Insider xabariga ko‘ra, Birmingem klubi futbolchini yanvar oyida sotib olishni ko‘rib chiqmoqda.

Inyaki Uilyams butun faoliyatini "Atletik"da o‘tkazdi. Jamoa safida 395 ta o‘yinda maydonga tushgan hujumchi 91 ta gol urgan va sheriklariga 55 ta golli uzatma bergan.

Nufuzli Transfermarkt portali mutaxassislari 29 yoshli Uilyamsni 25 million yevroga baholamoqda.