Saudiya Arabistoni klublari qiziqish bildirayotganiga qaramay, "Manchester Yunayted" va Portugaliya terma jamoasi yarim himoyachisi Brunu Fernandesh hozirgi jamoasini tark etish niyatida emas.
"Liga yoki klubdan qat’iy nazar, har doim kerakli bo‘lish yaxshi, lekin men bor e’tiborimni terma jamoa va "Manchester Yunayted"ga qaratganman. Men shu yerda baxtliman. "Manchester Yunayted"ning mavsumi biz xohlagandek boshlanmadi. Lekin men uzoq muddatli rejalar haqida o‘ylamayman. Ular menga aniq bir taklif bilan kelmaguncha, men e’tibor bermayman. Bugungi kunda mish-mishlarni yaratish juda oson. Men bor e’tiborimni maqsadlarga qaratishni afzal ko‘raman", - dedi portugaliyalik futbolchi O Jogo bilan suhbatda.
Eslatib o‘tamiz, joriy mavsumda Brunu Fernandesh "Manchester Yunayted" safida 17 ta o‘yin o‘tkazib, barcha turnirlarda 4 ta gol va 3 ta golli uzatmaga mualliflik qilgan.