Саудия Арабистони клублари қизиқиш билдираётганига қарамай, "Манчестер Юнайтед" ва Португалия терма жамоаси ярим ҳимоячиси Бруну Фернандеш ҳозирги жамоасини тарк этиш ниятида эмас.

"Лига ёки клубдан қатъий назар, ҳар доим керакли бўлиш яхши, лекин мен бор эътиборимни терма жамоа ва "Манчестер Юнайтед"га қаратганман. Мен шу ерда бахтлиман. "Манчестер Юнайтед"нинг мавсуми биз хоҳлагандек бошланмади. Лекин мен узоқ муддатли режалар ҳақида ўйламайман. Улар менга аниқ бир таклиф билан келмагунча, мен эътибор бермайман. Бугунги кунда миш-мишларни яратиш жуда осон. Мен бор эътиборимни мақсадларга қаратишни афзал кўраман", - деди португалиялик футболчи O Jogo билан суҳбатда.

Эслатиб ўтамиз, жорий мавсумда Бруну Фернандеш "Манчестер Юнайтед" сафида 17 та ўйин ўтказиб, барча турнирларда 4 та гол ва 3 та голли узатмага муаллифлик қилган.