So‘nggi kunlarda "Nissa" himoyachisi Jan-Kler Todibo "Manchester Yunayted"ga o‘tishi haqida mish-mishlar ko‘paydi. Todofichajes xabariga ko‘ra, futbolchining sobiq jamoasi "Barselona" 23 yoshli futbolchining transferidan foyda olishi mumkinligi qayd etilgan. Shu tariqa, Todibo ketgach, kataloniyaliklar futbolchining navbatdagi transferi summasining 20 foizini o‘zida saqlab qolishdi.
Agar “Manchester Yunayted” Todibo uchun haqiqatda 40 million yevro to‘laydigan bo‘lsa, “Barselona” shulardan 8 millionini oladi. Bu kataloniyaliklarga moliyaviy qiyinchiliklarini hal qilishda yordam berishi mumkin.
"Barselona" ayni damda Ispaniya chempionati turnir jadvalida 3-o‘rinni egallab turibdi.