"Barselona" dushanba kuni yarim himoyachi Gavi tizzasidan jiddiy jarohat olganini tasdiqladi. Xabaringiz bor, 19 yoshli futbolchi yakshanba kuni bo‘lib o‘tgan Ispaniya va Gruziya terma jamoalari o‘rtasidagi o‘yinda jarohat olgan edi.
Jurnalist Xavi Migelning ijtimoiy tarmoqlarda yozishicha, Gavi jarohatidan forig‘ bo‘lishi uchun yetti oydan to‘qqiz oygacha vaqt ketadi. Shu tariqa yarim himoyachi nafaqat mavsumning qolgan qismini, balki Yevropa chempionatini ham o‘tkazib yuboradi. Qolaversa, Gavi olimpiya futbol turnirida Ispaniya terma jamoasi sharafini himoya qila olmaydi.
"Barselona" hozirda La Liga turnir jadvalida 3-o‘rinni egallab turibdi.
