"Барселона" душанба куни ярим ҳимоячи Гави тиззасидан жиддий жароҳат олганини тасдиқлади. Хабарингиз бор, 19 ёшли футболчи якшанба куни бўлиб ўтган Испания ва Грузия терма жамоалари ўртасидаги ўйинда жароҳат олган эди.
Журналист Хави Мигелнинг ижтимоий тармоқларда ёзишича, Гави жароҳатидан фориғ бўлиши учун етти ойдан тўққиз ойгача вақт кетади. Шу тариқа ярим ҳимоячи нафақат мавсумнинг қолган қисмини, балки Европа чемпионатини ҳам ўтказиб юборади. Қолаверса, Гави олимпия футбол турнирида Испания терма жамоаси шарафини ҳимоя қила олмайди.
"Барселона" ҳозирда Ла Лига турнир жадвалида 3-ўринни эгаллаб турибди.
