“Yuventus”, “Arsenal”, “Barselona” va Fransiya terma jamoasining sobiq hujumchisi, 2000-yillarning eng yaxshi hujumchisi sifatida e’tirof etilgan Tyerri Anri Fransiya chempionatini past ko‘rsatkichlari tufayli tanqid qildi.
"Hatto gollarning kamligini ham Fransiya chempionatini zerikarli qilib qo‘yayotgani yo‘q. Gap shundaki, bu yerda hech qanday harakat yo‘q, nishonga zarba yo‘q", - dedi Anri Sportskeeda bilan suhbatda.
Qayd etish joizki, Tyerrining fikrlari asossiz emas. Liga 1da oxirgi 17 o‘yinda atigi 25 ta gol urilgan. Fransiya futbolining yuqori ligasida ishtirok etayotgan 20 ta jamoadan 18 tasi joriy mavsum boshidan buyon 12 turda 17 tadan ko‘p gol ura olmadi.
