"Sevilya"ning sobiq hujumchisi Luis Fabiano "Manchester Siti" yulduzi Erling Xoland haqida fikr bildirdi. Braziliyalik futbolchining fikricha, agar u norvegiyalik futbolchining o‘rnida bo‘lganida, barcha gol rekordlarini ham yangilagan bo‘lardi.
"Men Xolandning barcha gol rekordlarini yangilagan bo‘lardim. Gvardiola jamoasida, "Manchester Siti"da qo‘lga kiritilayotgan imkoniyatlarni hisobga olsak... Xolandda 30 ta imkoniyat bor va uchta gol urgan. Agar menda 30 ta imkoniyat bo‘lganida, 10-20 ta gol urardim", - dedi Fabiano Benja Benja Me Mucho bilan suhbatda.
“Manchester Siti” safida 71 ta o‘yinda maydonga tushgan Erling Xoland 69 ta gol urdi va 13 ta golli uzatmani amalga oshirgan.
