"Севилья"нинг собиқ ҳужумчиси Луис Фабиано "Манчестер Сити" юлдузи Эрлинг Холанд ҳақида фикр билдирди. Бразилиялик футболчининг фикрича, агар у норвегиялик футболчининг ўрнида бўлганида, барча гол рекордларини ҳам янгилаган бўларди.

"Мен Холанднинг барча гол рекордларини янгилаган бўлардим. Гвардиола жамоасида, "Манчестер Сити"да қўлга киритилаётган имкониятларни ҳисобга олсак... Холандда 30 та имконият бор ва учта гол урган. Агар менда 30 та имконият бўлганида, 10-20 та гол урардим", - деди Фабиано Бенжа Benja Me Mucho билан суҳбатда.

“Манчестер Сити” сафида 71 та ўйинда майдонга тушган Эрлинг Холанд 69 та гол урди ва 13 та голли узатмани амалга оширган.