"Tottenxem" yarim himoyachisi Jovani lo Chelsoning "Barselona"ga o‘tishi dargumon.
Argentinalik futbolchi uzoq vaqtdan buyon kataloniyaliklar qiziqish bildirayotganlar qatorida qayd etilgan, Gavi yaqinda jarohat olganidan so‘ng OAVda 27 yoshli futbolchining Kataloniya klubiga o‘tishi mumkinligi haqida yangi ma’lumotlar tarqaldi. Biroq, The Standard nashriga ko‘ra, "Tottenxem" yanvar oyida Lo Chelsoni "Barselona" yoki boshqa klubga qo‘yib yubormaydi. "Shporlar" jarohat bilan bog‘liq muammolardan xavotirda, shuning uchun ular hatto asosiy tarkibga kiritilmagan futbolchilar bilan ham xayrlashishni rejalashtirmayapti.
Jovani lo Chelso joriy mavsumda “Tottenxem”ning atigi to‘rtta uchrashuvida qatnashdi. Transfermarkt yarim himoyachining narxini 14 million yevroga baholamoqda.
