Huquqlari Saudiya Arabistonining “Al-Hilol” klubiga tegishli bo‘lgan portugaliyalik yarim himoyachi Ruben Nevesh Angliya Premyer-ligasiga qaytishi mumkin. Bu haqda Football Insider xabar bermoqda.
Jurnalistlarning yozishicha, yarim himoyachining xizmatlariga “Manchester Siti” va “Nyukasl” klublari qiziqish bildirmoqda. Ikkala klub ham futbolchini yanvardagi transfer oynasida o‘z safiga qo‘shib olmoqchi. Shu bilan birga, "Al-Hilol" Neveshni hech bo‘lmaganda joriy mavsum oxirigacha saqlab qolishni rejalashtirmoqda.
Ruben oxirgi transfer oynasida Saudiya klubiga "Vulverxempton"dan o‘tgan edi. Bitim summasi 55 million yevroni tashkil etdi. Joriy mavsumda yarim himoyachi 17 ta o‘yinda maydonga tushib, 2 ta gol va bitta golli uzatmani amalga oshirdi.
