Futzal bo‘yicha O‘zbekiston va Yaponiya terma jamoalari o‘rtasidagi ikkinchi o‘rtoqlik uchrashuvi dramatik tarzda kechdi.

Bahsning 5-daqiqasida Jamshid Rahmatullayev hisobni ochgan bo‘lsa, yaponiyalik Takumi Nagasaka bir daqiqa ichida ikkita gol urib, jamoasini oldinga olib chiqdi. Kunchiqar yurt vakillari taym tugashiga 5 daqiqa qolganida uchinchi golni ham urishdi.

O‘zbekiston esa ikkinchi bo‘limda tajovuzkorlikni oshirdi hamda 26 va 36-daqiqalarda ikkita to‘p kiritib, hisobni tenglashtirdi. Ammo 38-daqiqada Yaponiya tezkor hujum evaziga yana oldinga o‘tib oldi.

O‘yin tugashiga 15 soniya qolganida esa yaponiyalik himoyachi o‘z jarima maydoni ichida to‘pni qo‘li bilan o‘ynagani uchun penalti belgilandi. Ilhom Hamroyev tomonidan 6 metrdan yo‘llangan zarba natijasida to‘p ustunga tegib maydonni tark etdi.

Shu tariqa, juda qiziqarli kechgan o‘yinda O‘zbekiston amaldagi Osiyo chempioni bilan durang o‘ynash imkoniyatni qo‘ldan chiqardi. Ushbu jamoalar o‘rtasidagi kechagi o‘yinda yaponlar 2:0 hisobida g‘alaba qozonishgandi.

Futzal. O‘rtoqlik o‘yini
O‘zbekiston - Yaponiya - 3:4
Gollar: Jamshid Rahmatullayev (5), Elbek To‘lqinov (26), Ilhomjon Hamroyev (36) – Takumi Nagasaka (5, 6), Sora Kanazava (15), Yuto Tutsumi (38).
Noaniq penalti: Ilhom Hamroyev (40)