"Santos"ning braziliyalik hujumchisi Markos Leonardo qishki transfer oynasida Yevropaga ko‘chib o‘tishi mumkin.

Ge Globo nashri xabariga ko‘ra, 20 yoshli futbolchining xizmatlariga Angliya Premyer-ligasining ikki vakili - "Nyukasl" va "Arsenal" qiziqish bildirmoqda. Bundan tashqari, "Real Madrid" Leonardoni sotib olishga umid qilmoqda, deya ta’kidlaydi manba.

2023 yilda forvard barcha turnirlarni hisobga olgan holda 45 ta uchrashuvda qatnashib, 21 ta gol urdi va 4 ta golli uzatmani amalga oshirdi.

Leonardoning "Santos" bilan amaldagi shartnomasi 2026 yilning oxirigacha amal qiladi. Transfermarkt portali ma’lumotlariga ko‘ra, futbolchining narxi 17 million yevroga teng.