"Сантос"нинг бразилиялик ҳужумчиси Маркос Леонардо қишки трансфер ойнасида Европага кўчиб ўтиши мумкин.
Ge Globo нашри хабарига кўра, 20 ёшли футболчининг хизматларига Англия Премьер-лигасининг икки вакили - "Ньюкасл" ва "Арсенал" қизиқиш билдирмоқда. Бундан ташқари, "Реал Мадрид" Леонардони сотиб олишга умид қилмоқда, дея таъкидлайди манба.
2023 йилда форвард барча турнирларни ҳисобга олган ҳолда 45 та учрашувда қатнашиб, 21 та гол урди ва 4 та голли узатмани амалга оширди.
Леонардонинг "Сантос" билан амалдаги шартномаси 2026 йилнинг охиригача амал қилади. Transfermarkt портали маълумотларига кўра, футболчининг нархи 17 миллион еврога тенг.
