"Manchester Yunayted" himoyachisi Aaron Uan-Bissaka tez orada rasman Kongo Demokratik Respublikasi terma jamoasi sharafini himoya qilishi mumkin, deb yozadi 90min.
Gap shundaki, 25 yoshli futbolchi hali Angliyaning asosiy jamoasida rasmiy darajada o‘ynamagan - u maydonga faqat "Uch sherlar" yoshlar jamoasi libosida ko‘rinish bergan. Futbolchining ajdodlari esa Kongoga borib taqaladi, shuning uchun u Afrikaning bu o‘rtacha saviyadagi terma jamoasida o‘ynay oladi. Biroq, futbolchi Londonda tug‘ilgan va mahalliy "Kristal Pelas" klubi akademiyasida futbol asoslarini o‘rgangan.
Avvalroq "Manchester Yunayted" Van-Bissaka bilan shartnoma bo‘yicha muzokaralarni to‘xtatgani haqida xabar berilgandi.
