"Манчестер Юнайтед" ҳимоячиси Аарон Уан-Биссака тез орада расман Конго Демократик Республикаси терма жамоаси шарафини ҳимоя қилиши мумкин, деб ёзади 90min.
Гап шундаки, 25 ёшли футболчи ҳали Англиянинг асосий жамоасида расмий даражада ўйнамаган - у майдонга фақат "Уч шерлар" ёшлар жамоаси либосида кўриниш берган. Футболчининг аждодлари эса Конгога бориб тақалади, шунинг учун у Африканинг бу ўртача савиядаги терма жамоасида ўйнай олади. Бироқ, футболчи Лондонда туғилган ва маҳаллий "Кристал Пэлас" клуби академиясида футбол асосларини ўрганган.
Аввалроқ "Манчестер Юнайтед" Ван-Биссака билан шартнома бўйича музокараларни тўхтатгани ҳақида хабар берилганди.
