«Monako» bosh murabbiyi Adi Xyutter «PSJ»ga qarshi bo‘lajak o‘yin haqida umidlari bilan o‘rtoqlashdi.
«Ular to‘pga ega bo‘lishni yaxshi ko‘radigan, lekin bir vaqtda juda tez jamoa. Biz bu bahsda o‘yin tamoyillarimizdan chetga chiqishni istamaymiz, garchi raqiblarimiz Liga 1ning eng yaxshi jamoasi bo‘lsa ham qo‘rqmaymiz.
Men bu o‘yinda g‘alaba qozonishimiz mumkinligini bilaman», deya Xyutterning so‘zlarini keltiradi klub rasmiy sayti.
12 turdan keyin «Monako» 24 ochko bilan Fransiya chempionati turnir jadvalida uchinchi o‘rinda bormoqda.
