"Barselona" bosh murabbiyi Xavi Yevro-2024 saralashining so‘nggi Gruziya bilan o‘yinida (3:1) "ko‘k-anorranglilar" yarim himoyachisi Gavini asosiy tarkibda maydonga tushirgan Ispaniya terma jamoasi bosh murabbiyi Luis de la Fuentega e’tirozi yo‘qligini aytdi. Gavi o‘sha o‘yinda og‘ir jarohat olgandi.
“Mening de la Fuente bilan munosabatlarim yaxshi. Dushanba kuni biz qo‘ng‘iroqlashib, Gavi bilan vaziyatni muhokama qildik. Men uni o‘yinchimning jarohati uchun ayblay olmayman, chunki men muammoni murabbiylar boshqaruvida emas, haddan tashqari tig‘iz taqvimda ko‘rmoqdaman, bu nihoyatda qiyin", - deya Xavining so‘zlarini keltiradi Mundo Deportivo.
Eslatib o‘tamiz, Ispaniya terma jamoasi va Gruziya terma jamoasi o‘rtasidagi o‘yinda Gavi tizzasining xochli bo‘g‘imini shikastlab olgandi, shu sabab u bir necha oy maydonga tusha olmaydi.
