"Барселона" бош мураббийи Хави Евро-2024 саралашининг сўнгги Грузия билан ўйинида (3:1) "кўк-анорранглилар" ярим ҳимоячиси Гавини асосий таркибда майдонга туширган Испания терма жамоаси бош мураббийи Луис де ла Фуэнтега эътирози йўқлигини айтди. Гави ўша ўйинда оғир жароҳат олганди.
“Менинг де ла Фуэнте билан муносабатларим яхши. Душанба куни биз қўнғироқлашиб, Гави билан вазиятни муҳокама қилдик. Мен уни ўйинчимнинг жароҳати учун айблай олмайман, чунки мен муаммони мураббийлар бошқарувида эмас, ҳаддан ташқари тиғиз тақвимда кўрмоқдаман, бу ниҳоятда қийин", - дея Хавининг сўзларини келтиради Mundo Deportivo.
Эслатиб ўтамиз, Испания терма жамоаси ва Грузия терма жамоаси ўртасидаги ўйинда Гави тиззасининг хочли бўғимини шикастлаб олганди, шу сабаб у бир неча ой майдонга туша олмайди.
