"Galatasaroy" hujumchisi Mauro Ikardi "Real Madrid"ning qiziqishlari ro‘yxatida yo‘q.
Bir kun oldin tarqalgan mish-mishlarga ko‘ra, "Los Blankos" boshqaruvchisi Karlo Anchelotti argentinalik futbolchini o‘z jamoasida ko‘rishni xohlaydi. Insayder Fabrisio Romanoning so‘zlariga ko‘ra, bu ma’lumot hali tasdiqlanmagan – shu kungacha “Real” 30 yoshli forvardga qiziqish bildirmayapti.
Mauro Ikardi joriy mavsumda “Galatasaroy” safida 20 ta o‘yinda 15 ta gol va 3 ta golli uzatmani amalga oshirdi. "Inter" va "PSJ"ning sobiq futbolchisining qiymati Transfermarkt ekspertlari tomonidan 20 million yevroga baholangan.