"Галатасарой" ҳужумчиси Мауро Икарди "Реал Мадрид"нинг қизиқишлари рўйхатида йўқ.
Бир кун олдин тарқалган миш-мишларга кўра, "Лос Бланкос" бошқарувчиси Карло Анчелотти аргентиналик футболчини ўз жамоасида кўришни хоҳлайди. Инсайдер Фабрицио Романонинг сўзларига кўра, бу маълумот ҳали тасдиқланмаган – шу кунгача “Реал” 30 ёшли форвардга қизиқиш билдирмаяпти.
Мауро Икарди жорий мавсумда “Галатасарой” сафида 20 та ўйинда 15 та гол ва 3 та голли узатмани амалга оширди. "Интер" ва "ПСЖ"нинг собиқ футболчисининг қиймати Transfermarkt экспертлари томонидан 20 миллион еврога баҳоланган.