Qishki transfer oynasi ochilishiga oz fursat qoldi va klublar o‘z tarkiblarini kuchaytirishning turli variantlarini ko‘rib chiqishmoqda. "Todofichajes" xabariga ko‘ra, "Real Madrid" "Yuventus"dan hujumchi Dushan Vlaxovichni o‘z safiga qo‘shib olishga harakat qilishi mumkin. Shu bilan birga, kelishuvni yakunlash oson bo‘lmasligi ta’kidlangan, chunki turinliklar mavsum o‘rtasida forvard bilan xayrlashishni istashlari dargumon.
"Transfermarkt" portali mutaxassislari 23 yoshli Vlaxovichni 70 million yevroga baholamoqda. 2023/2024 yilgi mavsumda serbiyalik futbolchi “Yuventus” safida 10 ta o‘yin o‘tkazib, 4 ta gol urdi va bitta golli uzatmani amalga oshirdi.
