Қишки трансфер ойнаси очилишига оз фурсат қолди ва клублар ўз таркибларини кучайтиришнинг турли вариантларини кўриб чиқишмоқда. "Todofichajes" хабарига кўра, "Реал Мадрид" "Ювентус"дан ҳужумчи Душан Влаховични ўз сафига қўшиб олишга ҳаракат қилиши мумкин. Шу билан бирга, келишувни якунлаш осон бўлмаслиги таъкидланган, чунки туринликлар мавсум ўртасида форвард билан хайрлашишни исташлари даргумон.
"Transfermarkt" портали мутахассислари 23 ёшли Влаховични 70 миллион еврога баҳоламоқда. 2023/2024 йилги мавсумда сербиялик футболчи “Ювентус” сафида 10 та ўйин ўтказиб, 4 та гол урди ва битта голли узатмани амалга оширди.
