Kuba terma jamoasi futbolchilari Rossiyaga qarshi o‘rtoqlik o‘yini oldidan Volgogradda yangi butsa sotib olishga majbur bo‘ldi.
Rossiya futbol ittifoqi bosh kotibi lavozimini egallab turgan Maksim Mitrofanov bu voqeani bo‘rttirilgan deb hisoblaydi.
«Biz Kubaga o‘yin qanday maysazorda o‘tkazilishi, bu tabiiy maydon bo‘lishi haqida xabar bergan bo‘lsak ham, hamkasblarimiz bu jihatlarni hisobga olishmadi va puxta tayyorgarlik ko‘rishmadi.
Ular yetib kelishdi, butsalari yaxshi emasligini bilib, borib sotib olishdi. Bunda shov-shuvli narsa yo‘q», — deya Mitrofanovning so‘zlaridan iqtibos keltiradi TASS.
Eslatib o‘tamiz, Rossiya terma jamoasi Kubani 8:0 hisobida mag‘lub etgandi.
