Куба терма жамоаси футболчилари Россияга қарши ўртоқлик ўйини олдидан Волгоградда янги бутса сотиб олишга мажбур бўлди.
Россия футбол иттифоқи бош котиби лавозимини эгаллаб турган Максим Митрофанов бу воқеани бўрттирилган деб ҳисоблайди.
«Биз Кубага ўйин қандай майсазорда ўтказилиши, бу табиий майдон бўлиши ҳақида хабар берган бўлсак ҳам, ҳамкасбларимиз бу жиҳатларни ҳисобга олишмади ва пухта тайёргарлик кўришмади.
Улар етиб келишди, бутсалари яхши эмаслигини билиб, бориб сотиб олишди. Бунда шов-шувли нарса йўқ», — дея Митрофановнинг сўзларидан иқтибос келтиради ТАСС.
Эслатиб ўтамиз, Россия терма жамоаси Кубани 8:0 ҳисобида мағлуб этганди.
