"Manchester Siti" bosh murabbiyi Pep Gvardiola Chempionlar ligasi 5-turi doirasidagi "Leypsig"ga qarshi o‘yindan umidlari bilan o‘rtoqlashdi.
"Biz yo g‘alaba qozonishimiz yoki durang qilishimiz kerak. "Leypsig"ni pley-offga chiqqani bilan tabriklaymiz. Lekin guruhda birinchi o‘rinni egallash ham nufuz uchun, ham 1/8 finalning javob uchrashuvini o‘z uyida o‘tkazish uchun muhim. Bu hal qiluvchi emas, lekin bizga biroz ustunlik beradi.
Biz qo‘limizdan kelganicha o‘ynashimiz va muxlislarimizni quvvatlantirish uchun imkon qadar ko‘proq imkoniyatlar yaratishimiz kerak. Jamoa juda yaxshi o‘yin ko‘rsatmoqda va umid qilamanki, muxlislar o‘yindan zavq olishadi", — dedi Gvardiola UYEFA rasmiy saytiga.
