"Манчестер Сити" бош мураббийи Пеп Гвардиола Чемпионлар лигаси 5-тури доирасидаги "Лейпциг"га қарши ўйиндан умидлари билан ўртоқлашди.
"Биз ё ғалаба қозонишимиз ёки дуранг қилишимиз керак. "Лейпциг"ни плей-оффга чиққани билан табриклаймиз. Лекин гуруҳда биринчи ўринни эгаллаш ҳам нуфуз учун, ҳам 1/8 финалнинг жавоб учрашувини ўз уйида ўтказиш учун муҳим. Бу ҳал қилувчи эмас, лекин бизга бироз устунлик беради.
Биз қўлимиздан келганича ўйнашимиз ва мухлисларимизни қувватлантириш учун имкон қадар кўпроқ имкониятлар яратишимиз керак. Жамоа жуда яхши ўйин кўрсатмоқда ва умид қиламанки, мухлислар ўйиндан завқ олишади", — деди Гвардиола УЕФА расмий сайтига.
