"Real Madrid" hujumdagi "to‘qqizlik" uchun sifatli o‘yinchi sotib olish imkoniyatini o‘rganmoqda. TEAMtalk nashri xabariga ko‘ra, madridliklar "Brentford" hujumchisi Ayvan Toniga qiziqayotgan klublar qatoriga qo‘shildi.
Toni so‘nggi Angliya chempionatida eng yaxshi to‘purarlar qatorida edi, biroq bahorda u pul tikish qoidalarini buzgani uchun sakkiz oylik diskvalifikasiya qilindi. Diskvalifikasiya muddati 17 yanvarda tugaydi.
Shu bilan birga, manbaning ta’kidlashicha, 27 yoshli Toni klubini o‘zgartirish haqida qaror qabul qilishga shoshilmayapti. Hujumchi "Brentford"da o‘ynashda davom etishi mumkin.
Transfermarkt portali Tonini 35 million yevroga baholamoqda.
