Seshanba oqshomida «Milan» butun dunyo bo‘ylab muxlislari armiyasining hafsalasini pir qildi.
Stefano Pioli shogirdlari o‘z maydonida «Borussiya»ga 1:3 hisobida imkoniyatni boy berdi. Natijada, Chempionlar ligasining so‘nggi turi oldidan «rossonerilar» o‘z guruhida so‘nggi o‘rinni egallab turishibdi.
La Repubblica xabariga ko‘ra, agar jamoa guruhdan chiqa olmasa, «Milan» Pioli bilan xayrlashishi mumkin.
Qayd etilishicha, Chempionlar ligasini bunday erta tark etish klub uchun moliyaviy tomondan jiddiy zarba bo‘ladi.
